మత్తయి సువార్త – 23వ అధ్యాయం
వచనాలు 11–20
11. మీలో గొప్పవాడు మీ సేవకుడై ఉండాలి.
12. తనను తాను హెచ్చించుకొనువాడు తగ్గించబడును; తనను తాను తగ్గించుకొనువాడు హెచ్చించబడును.
13. శాస్త్రులారా, పరిసయ్యులారా, వేషధారులారా! మీకు శాపము. మీరు పరలోక రాజ్య ద్వారాన్ని మనుష్యుల ఎదుట మూసివేస్తున్నారు; మీరే ప్రవేశించరు, ప్రవేశించదలచిన వారినీ అనుమతించరు.
14. (కొన్ని ప్రాచీన ప్రతుల్లో ఈ వచనం లేదు. ఇతర ప్రతుల్లో: విధవరాండ్ర ఇళ్లను మింగివేసి, కపటంగా దీర్ఘ ప్రార్థనలు చేసే మీకు శాపము.)
15. ఒక మతమార్పిడి పొందినవానిని సంపాదించడానికి సముద్రాన్నీ భూమినీ తిరుగుతారు; అతడు మారిన తరువాత అతన్ని మీకంటే రెండింతలు నరకపాత్రునిగా చేస్తారు.
16. గ్రుడ్డి మార్గదర్శకులారా! ఆలయం మీద ఒట్టు చేసినది ఏమీ కాదని, ఆలయంలోని బంగారం మీద ఒట్టు చేసినవాడు బద్ధుడని మీరు చెబుతున్నారు.
17. అవివేకులారా! గ్రుడ్డివారలారా! బంగారమా గొప్పది? లేక బంగారాన్ని పవిత్రపరచే ఆలయమా?
18. బలిపీఠం మీద ఒట్టు చేసినది ఏమీ కాదని, దానిమీదనున్న కానుక మీద ఒట్టు చేసినవాడు బద్ధుడని మీరు చెబుతున్నారు.
19. గ్రుడ్డివారలారా! కానుక గొప్పదా? లేక కానుకను పవిత్రపరచే బలిపీఠమా?
20. కాబట్టి బలిపీఠం మీద ఒట్టు చేసేవాడు, దానిమీద ఉన్న సమస్తముపై కూడా ఒట్టు చేసినవాడే.
