మత్తయి సువార్త – 23వ అధ్యాయం
వచనాలు 31–39
31. ఈ విధంగా మీరు ప్రవక్తలను చంపిన వారి సంతానమని మీరే సాక్ష్యమిస్తున్నారు.
32. మీ పూర్వీకులు ప్రారంభించిన దుష్కార్యాన్ని మీరు పూర్తిచేయండి.
33. సర్పములారా! విషసర్ప సంతానమా! నరక శిక్ష నుండి మీరు ఎలా తప్పించుకుంటారు?
34. అందుచేత నేను మీ వద్దకు ప్రవక్తలను, జ్ఞానులను, శాస్త్రులను పంపుతున్నాను. వారిలో కొందరిని మీరు చంపుతారు, కొందరిని శిలువ వేస్తారు, కొందరిని సమాజ మందిరాలలో కొరడాలతో కొట్టి పట్టణం నుండి పట్టణానికి తరుముతారు.
35. నీతిమంతుడైన హేబేలు రక్తము మొదలుకొని బరక్యా కుమారుడైన జెకర్యా రక్తము వరకు భూమిపై చిందించబడిన నిరపరాధుల రక్తపు బాధ్యత మీపై పడుతుంది.
36. ఇవన్నీ ఈ తరముమీదకు వచ్చును అని నేను మీతో నిశ్చయంగా చెప్పుచున్నాను.
37. ఓ యెరూషలేమా! యెరూషలేమా! ప్రవక్తలను చంపి, నీ యొద్దకు పంపబడిన వారిని రాళ్లతో కొట్టే పట్టణమా! కోడి తన పిల్లలను రెక్కల క్రింద చేర్చుకున్నట్లుగా నేను ఎన్నోసార్లు నీ ప్రజలను సమకూర్చాలని కోరాను; కానీ మీరు ఇష్టపడలేదు.
38. ఇదిగో, మీ ఇల్లు పాడై మీకు విడిచిపెట్టబడుతుంది.
39. "ప్రభువు నామమున వచ్చువాడు ధన్యుడు" అని మీరు చెప్పే దినము వచ్చేవరకు మీరు ఇక నన్ను చూడరు.
