మత్తయి సువార్త – 7వ అధ్యాయం (11–20 వచనాలు)
11. మీరు చెడ్డవారైనను మీ పిల్లలకు మంచి వరములు ఇవ్వడం తెలిసి యుండగా, పరలోకమందున్న మీ తండ్రి తనను అడిగువారికి మరి ఎంత ఎక్కువగా మంచి వరములు అనుగ్రహించును!
12. మనుష్యులు మీకు ఏలాగు చేయవలెనని మీరు కోరుదురో, మీరు కూడా వారికి అలాగే చేయుడి. ఇదే ధర్మశాస్త్రమునకును ప్రవక్తల బోధకును సారాంశము.
13. ఇరుకైన ద్వారముగుండా ప్రవేశించుడి. విశాలమైన ద్వారము, వెడల్పైన మార్గము నాశనమునకు నడిపించును; దానిలో ప్రవేశించువారు అనేకులు.
14. జీవమునకు నడిపించు ద్వారము ఇరుకైనది, మార్గము సంకుచితమైనది; దానిని కనుగొనువారు కొద్దిమంది.
15. అబద్ధ ప్రవక్తల విషయమై జాగ్రత్తపడుడి. వారు గొర్రెల వేషములో మీ యొద్దకు వచ్చెదరు, లోపల మాత్రం క్రూరమైన తోడేళ్లు.
16. వారి ఫలములచేత వారిని గుర్తించుదురు. ముళ్లపొదల నుండి ద్రాక్షపండ్లు, ముండ్లచెట్ల నుండి అంజూరపండ్లు కోయుదురా?
17. మంచి చెట్టు మంచి ఫలములను, చెడు చెట్టు చెడు ఫలములను కాయును.
18. మంచి చెట్టు చెడు ఫలములు కాయలేదు; చెడు చెట్టు మంచి ఫలములు కాయలేదు.
19. మంచి ఫలము కాయని ప్రతి చెట్టును నరికి అగ్నిలో వేయుదురు.
20. కాబట్టి వారి ఫలములచేతనే వారిని గుర్తించుదురు.
CONCEPT
( development of human relations and human resources )
