వేమన పద్యములు – తాత్పర్యములు
పద్యము 271
తాము నిలుచు చోట దైవము లేదని,
పామర జనులు తిరుపతుల తిరిగి,
జోము వీడి చేతి సొమ్మెల్ల బోజేసి,
చెడి గృహంబు తాను జేరు వేమ.
🌿 తాత్పర్యం:
దేవుడు తన హృదయంలోనే ఉన్నాడనే విషయాన్ని గ్రహించకుండా, పుణ్యక్షేత్రాలకే పరిమితమని భావించి యాత్రలు చేస్తూ ధనం, సమయాన్ని వృథా చేసేవారు నిజమైన ఆత్మజ్ఞానాన్ని పొందలేరు.
పద్యము 272
కాశి, మధుర, కాంచి, గయ, ప్రయాగము,సేతు
వాసతోడ వీటినాత్మ జూచి,
వాసనను దెలియడు వట్టి వెట్టి విధంబు.
🌿 తాత్పర్యం:
ఎన్ని పుణ్యక్షేత్రాలు దర్శించినా, తనలోని దైవస్వరూపాన్ని తెలుసుకోకపోతే జన్మసంస్కారాలు తొలగవు. ఆత్మపరిశీలన లేకుండా యాత్రలు మాత్రమే ముక్తిని ఇవ్వవు.*వట్టి వెట్టి - శ్రమ
పద్యము 273
చదువు జదువనేల, సన్యాసి గానేల,
పుణ్యతములు జిక్కి చావనేల;
యతని భజన జేసి యాత్మలో దెలియుడి
🌿 తాత్పర్యం:
విద్య, సన్యాసం, పుణ్యకార్యాలకంటే గొప్పది భక్తి. పరమాత్మను హృదయంలో అనుభవించినప్పుడే నిజమైన జ్ఞానం కలుగుతుంది.
పద్యము 274
మనము లోన బుట్టి, మరి కోకులన్నియు;
కోకులందు ముక్తి కుదురుపడదు;
మనము బ్రహ్మమనుచు మది నెరుంగగలేరు.
🌿 తాత్పర్యం:
అన్ని జీవులు పరబ్రహ్మ స్వరూపమే. కానీ తనలోని బ్రహ్మతత్వాన్ని గ్రహించని వ్యక్తి ముక్తిని పొందలేడు.*కోకులన్నియు -passions కోర్కెలు
పద్యము 275
చదువులన్ని జదివి, చాల వివేకింప,
కపటికేన్ననేల కలుగు ముక్తి?
*దాలి గుంట కుక్క దలచిన చందము.
🌿 తాత్పర్యం:
ఎన్ని విద్యలు నేర్చుకున్నా వివేకం, నిజాయితీ లేకపోతే ముక్తి లభించదు. కపట జీవితం వ్యర్థ ప్రయత్నమే.*దాలిగుంట -పేడకుప్ప
🌼 భావం
ఈ పద్యాలలో వేమన బాహ్య ఆచారాలు, తీర్థయాత్రలు, చదువులు మాత్రమే మోక్షానికి మార్గం కాదని స్పష్టం చేస్తున్నాడు. ఆత్మపరిశీలన, భక్తి, వివేకం, నిజాయితీ, అంతర్ముఖ జీవనం ద్వారానే నిజమైన విముక్తి లభిస్తుందని బోధించాడు.
CONCEPT ( development of human relations and human resources )
